يا بلادي يا نوّارة ! قصيد في الشعر المحكي بقلم الشاعرة بثينة هرماسي من تونس.

يا بلادي يا نوّارة

فايحة ومجنحة !

يا وردة مزيانة

عاشقة للضوْ !

يا شمسك الِّي غابت

على يدين السّوْ !

قدّاش طالت اكدارك ..

والظلام غمّ عليك ..

يا ويل الّي خانك !!!

ويا طول لياليه !!!

باعوك للثعالب ..

يا حسرة قلبي عليك !!!

الذياب نهبت خيرك ..

والعيد اِغبرْ عليك !

يا بلادي يا نوّارة !

فايحة و مجنحة ..

يا وردة مزيانة

عاشقة للضوْ !

قداش طال ظلامك !!!

قداش ظلام نهارك !!!!

قداش غاب الضّوْ !!!

يا بلادي يانوارة !

يا وردة يا عطشانة

ومشتاقة للنّوْ !

قداكشي ذبلانة !!!

يا حسرة قلبي عليك !!!

يا حسرتو ووجيعتو !!

و يا ليعان الجاش !!

الضّباع رتعت فيك ..

ونهبتك لوباش !!!!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*