يا وردة عيونا ما عم تغفا..! قصيد زجلي بقلم الشاعرة نسرين قباني من لبنان.

يا وردة عيونا ما عم تغفا…
شقشق الضو… والنوم مفارق حسا…
غمرها ملاك الامان…
وندي دمعها بردان…
حطها عحضنو الدافي…
قلها: لا تخافي يا قمر الزمان…!!
إنت وردة معطرة بالايمان…
وشذا للمحبة غطا عطرو بكل مكان….
يا روح معشعش بقلبا الربيع…
ولا يوم عن دربا رح يضيع…
ما دام حسك بالدني شعور…. بنورو وبسحرو بديع….
نامي بأمان…
بكرة شمسك رح تشرق من جديد…
والضحكة عشفافك امل….
بشارة حب وفرح ومواعيد….!!!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*