شو تغيرت أحوالنا..! قصيد باللغة المحكيّة بقلم الشاعرة هدى غازي من لبنان.

شو تغيرت أحوالنا
وشو زاد حملو بالنا
ومقطوع يا نيالنا
خبز الامل مقطوع

بالماضي ياما تأفأفنا
عالراح ندمنا تأسفنا
زمن مرجحنا وكتفنا
حالة ما منها رجوع

شو تغيرت احوالنا
غير الوجع ما نابنا
بكيو علينا صحابنا
تا نشفت الدموع

الظلم انجبل بترابنا
سقيونا نخب عذابنا
كتبنا القهر بكتابنا
حكاية وطن مفجوع

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*