خلنا وياك… قصيد في الشعر المحكيّ بقلم الشاعر بطي المظلوم من الإمارات.

بطي المظلوم / الامارات مدير مركز الشارقة للشعر الشعبي

من شراتك طيبٍ ماشفت غير
محتشم مازلت في قلبي غلاك

انت خذت القلب وآزملك أسير
مول ماشده من العالم سواك

فيك شئٍ لو بقول انه كثير
الصفات اللي ترى ربي عطاك

كاملٍ بالحسن واوصافك تثير
ينتعش الفؤاد من شوفة حلاك

خلنا وياك في شورٍ بصير
ندرس الموضوع مابيني وياك

نتفق في الرأي دايم الرأي خير
مايهمنا غير مرضاتي ورضاك

والتفاهم بيننا شئٍ كبير
مايغير بيننا هذا وذاك

دامنا نسعى الي لم المصير
عطني عهودك وجددلي ولاك

خلنا نبدأ ولا ننظر لغير
خلني احس بوجودي معاك

حطني مابين قلبك والنظير
بس تبقى انت والعالم فداك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*