ياعمر..! قصيد بالشعر المحكي للشاعرة هدى كفارنة من سوريا.

ياعمر
ياواقف عشبّاك الهنا
مستنّي خطواتو
ومسكّر بوابك ع لفتات السحر
كتْبتْها كلماتو
عطشان وردك للمطر
يغمر حنينك والوتر
يعزف بليلك هالقمر
تتوسّدْ دراعو بغنج
تسرح بِ آهاتو
موجوع ياعمْر السفر
يحرقني بغيابو دهر
خبّيتْ من قلبو جمر
للبرد و ويلاتو
ياعمر
دخْلك ياعمر
لا ترسم هموم و ضجر
بقْيان لو دبْت بقهر
واقف عشباك الهنا
مستنّي خطواتو .

One Reply to “ياعمر..! قصيد بالشعر المحكي للشاعرة هدى كفارنة من سوريا.”

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*