بحبك يا سما….! قصيد زجلي بقلم الشاعرة نسرين قباني من لبنان.

بحبك يا سما……
فيي اسالك يا سما …..
عن حالي ……
وقلك وين انا؟….
فكري شارد ومحتار …..
عم تتخانق جواتي الافكار ..
قلبي قايد ……بيضل قاعد على نار…..
صار لازم فضفضلك وقلك شو مخبايي عنك اسرار…..!!!!
يا ريتك خيرتيني……
لوحدي تركتيني…..
عم اطلع فيكي…..
وانت حتى نظرة منك ما عطيتيني..!!! ..
من ميتك الحلوة ما سقيتيني…..
صبرت كتير حتى تلاقيني ……
ضعت بليلك الطويل ……
استنجدت بشمسك …..
لتضوي بنورا سنيني …..
استكترتي عليي حتى ضوك…..
درتيلي ضهرك …………..ونسيتيني…….!!!
بس انا بقيت عم ابتسملك …….
ابتسامة حنونة …رقيقة بتلبقلك…
وراها دمعة حراقة عم تندهلك……
حتى تقلك يا سما……”اني بحبك..” …
لو بتعرفي اديش كتبتلك ….
وبقلمي الموعود بعتلك……
مراسيل من روحي وهبتلك…….
بس انت ….ولا هون ……
حروفي بمداكي انتركت……
وبريحك المجنونة اتبعترت…..
اوراقي كلا تخزقت..
وانا من عتبي عم اسالك…..
قلبي عم يطلب خاطرك…..
اشتقت اوعى عفجر من الامان…..
ينسيني قساوة هالزمان……..
اشتقت اوعى عزقزقة عصفور…..
يصحيني عنغمة فرح وسرور……
اشتقت شم نسيم عطرك والريحان…
يتغلغل فيي…..وين ما كان……
انا يا سما ……خبرتك عن وجعي…..
حتى ذكرك فيي …..
وعليي لا تبخلي ……
خيطي الابيض مسكي……..
وعني لا تتاخري …….
ومن نور قلبك عطي ……
دخيلك لا تترددي …….
نسرين.قباني

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*