دقات قلبك….زجلية بقلم الشاعرة نسرين قباني من لبنان.

حميت هالنبض جوات ضلوعي….
وحملت دقات قلبك عكتاف روحي….!!
هالشوق عايش جواتي….
بسمع صوتو باحساسي….
هالشوق اديش غير فيي….
خلاني حس إنو الوحدة مني قريبة….
علمني شو معنى الآه والتنهيدة…
علمني معنى الصبر بدنيي صارت عني غريبة….!!!
هالشوق معك متل طير….
عم بيرفرف حواليي حامل عوجو الخير….
هالشوق معك متل جنون….
جنون قاسي بس حنون….
يا ريت هالعمر اللي مضى….
يا ريت لا راح ولا انقضى….
يا ريت فيي من هالزمن اسرق شي دقيقة وما ادفع التمن….!!!
هالدني بلا الاحباب فاضية ما في مين يدق عليها الباب….
بيبقى الشوق ناطر على عتبة الغياب….
ناطر شي بسمة روح حنونة لطفي نار العذاب…!!!
نسرين. قباني .لبنان

Peut être une image de texte

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*