ليلة العيد اخطروا … زجليّة بقلم الشاعر علي بوخريص من ليبيا.

ليلة العيد اخطروا .. وكي قبل ما ساعة علي احجرو .. ياضوايقي
ليلة العيد ايخايل .. يقرب ويبعد ياشقاي الطايل
قيسني امبخت ماندير عزايل .. وكي انديرهم قشره الجرح اقشرو
ويصبح امعقر نين دمه سايل .. واللي له دواء فيهم الغوش اهجرو
والي في الخفاء دارو وراه مدايل ..دايليين باالسوداء وراه اعمرو
ضنك هذي ميله البخت المايل .. والله سببه لليمين اشبرو
دارت مدارا العجوز الوايل .. هيال بالهم شوكه غلاي اكسرو
ليله العيد مدنه .. دار خاطري وامعاه غصبن عنا
جبرنا الليل ولاغفا وتهني .. ولا اتضنهم ماضي امعاها اذكروا
قديم له اجذورا كي غزال الرنه .. مع شعب دوخه مابفضل اكفرو
قديم له عليهم في رفق ومحنه .. وعشره اجيال امتورخينين اسطرو
ياضوايق الخاطر ونحنا كنا .. اليوم نردمو بكره هذول اجهرو
وان قالت العين اعزاز لاياحنه .. انقول واجدك طاري غلاك انفرو

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*