“ضاع الحق وسط الغفلة “زجلية بقلم الشاعرة فاطمة معروفي من المغرب.

وي ……وي…..
كيف لعين تشوف بلا
بلا واش من بلا …
تقاس النهار بظلام الليل
والضاع الحق وسط الغفلة
القلب حامل مرارة ….
.بنادم ضايع عاد دمو جاري
وصراخو مايهز شعرة …..
واش هاد القهرة
وي وي …..وي وي……
واه يا لعجب ….وأعجب عجباين
الصورة تحكي والصراخ باين
مانخاف غير من للي خلقني
نقول الحق ولانشهق
شهقة تعلي شاني ……وندير الموت قدامي
دار الباطل في ديور ……
سمع ياالسامع رآه الضيق في القلب
هاج على كسدة روح مغصوبة
وي …….وي……وي…..وي
وشلامايتقال ضاق الحال وسط وهوال
دروب الضيم جمر قايد….
غمة على غمة كلشي ملموم تما……
تما طاح زهري تما علية نبري
تما ندير ساسي…… تما نعلي راسي ….

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*