أيوه أنا بهواك “زجلية” بقلم الشاعرعلى السيد محمد حزين من مصر.

أيوه أنا بحبكْ , أيوه أنا بهواكْ

بحب قربكْ , بحب هواكْ

بحب سلامكْ , بحب كلامكْ

وضحكتكْ , وبحب عينيكْ

وبحب كلامكْ , ولحظة سكوتكْ

وعمري وروحي وحياتي فيكْ

وبحب سِكِّتَكْ , ونظرة عينيكْ

وبحب كل حاجه فيكْ

        بحبكْ

وحبي لك شكل تاني

وطعم ولون تاني

أيوه أنا بحبكْ , أيوه أنا بهواكْ

الناس بتقول الحب عذاب

وسهر وهجر وعتاب

ودموع وشكوى وألم

وجرح كبير وغياب

وأنا الجنة لقيتها معاكْ

والهنا والـ منى في قربك

وروحي فيكْ وعمري فداكْ

واديني أمارة على حبكْ

يا حببي أنا طالب ودكْ

يا حبيبي أنا طالب رضاكْ

وعايز أعيش عمري كله معاكْ

أيوه أنا بحبكْ , أيوه أنا بهواكْ

وبغير عليكْ , وحياة عينيكْ

ليلي نهاري بفكر فيكْ

يا قمر الليل بغير عليكْ

وخايف عليكْ من عيون الناس

حبيبي , روحي , حياتي معاكْ

أيوه أنا بحبكْ , أيوه أنا بهواكْ

بـ بعت لكْ كل يوم سلامي مع القمر

ومع الطير المسافر

وبكتب اسمكْ على الشجر

وبسهر الليل بطوله عشانـ كْ يا قمر

أعدّ النجوم وأناجي القمر

وأفكر فيكْ وأقول يا ترى

يا هل ترى يا حبيبي

فاكرني ولا ناسيني يا قمر

وعامل ايه البعاد معاكْ

والفكر والسهر

أيوه أنا بحبكْ , أيوه أنا بهواكْ

أنا هويتكْ ومن كل قلبي حبيتـ كْ

وحبيت ضحكتكْ , وحبيت هواكْ

أيوه أنا بحبكْ , أيوه أنا بهواكْ


تمت مساء الخميس 9 / 9 / 2021

على السيد محمد حزين ــ طهطا ــ سوهاج

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*