يا جلنار..! قصيد في الشعر المحكي بقلم الشاعرة سونيا عبد اللطيف من تونس

شغلتْ بالي.. 
عروسه في ديجور الليالي.. 
الشمعة في ايديها.. 
النور في عينها.. 
الحقيقة ما يقدر حد يخبيها.. 
آه يا جلنار.. 
لا تبك علّي صار.. 
يجي نهار ع الخاين والغدار.. 
وتشرق الأنوار.. 
ترسم في عينيك بهجة الاطيار… 
وفي بستانها يتضوع عطر الأزهار..
احك يا زهر الرمان.. 
اش خلى عيونك جمر حار.. 
واش حوّل خدودك حمرا نار.. 
قلّي يا جلنار.. آش غير الأحوال.. 
لا حبّ غدر ولا عشق خان.. 
لا حبيب هجر ولا قريب رحل.. لا..ولا..ولا.. 
اوجاعك يا جلنار في قلب الوطن مسمار ..
باعوه وباعوا زهر الرمان.. لا ياسمين ولا ريحان .. 
يا جلنار خبّي دموعك ما تخلّيش طيورك تنهار… 
قاوم.. قاوم.. الوطن غالي على أهل الدار.. 
محبّتو في الدم ساكنه وفي الشريان.. 
إذا تباع ااوطن… التاريخ يختم على قلوب الخاينين 
العار.. العار.. 
لا تبك يا جلنار.. 
ارجم بحزنك الأشرار.. خليهم مضغة في الافام… 
ادموعك على الخدين لآلئ وعلى الأرض من أثمن الأحجار.. 
نزرعوك في قلوبنا جناين نوار.. 
لا تبك يا زهر الرمان.. 
غدوة تصير ثمرات الدار بالمليار.. 
الوطن ما يتباع في سوق العملة 
مهما غلا الدولار… 
هلوسات وطن

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*