سرّجني عودة كارحة..! قصيد في الشعر المحكي بقلم الشاعرة المهرة المغربية من المغرب.

L’image contient peut-être : 1 personne

سرّجني عودة كارحة
وما تهاب طياح
نهزك ونهرب ونخلي عيون الحاقدات مراح

سرّجني عروس فوق الخيل
من وراها الزغاريد تباريد
والشفايف محررها السواك تصب قهوة وهيل

سرجني خيل جافلة من بارود التبوريدة
نحنحن من دفاك
ونهرب بيك إلى النعاس جفاك
نسقيك من دمي كاس منعنع
ومن حوضي لذة
ماها يخلي صدرك مشعشع

سرجني عودة كارحة
في وسط خيام لقبايل سارحة
تدوّر على حبيب كفّى بالظهر
وخلّى كية في كلبها جارحة

سرّجني نعاودو ايام الزهو اللي خطفها وطواط
نخلي الكمرة في عيونك تلعب جرادة مالحة
وتخلي شنايفي بربعة في حجرك جاية رايحة
يا لفحل رسلتك مرسول مات فالطريق ضرباتو جايحة …

One Reply to “سرّجني عودة كارحة..! قصيد في الشعر المحكي بقلم الشاعرة المهرة المغربية من المغرب.”

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

*